Առափնյա ճեմուղի Լճաշենից Սևանի թերակղզի

Այս օրերին վաղուց սպասված Լճաշենից Սևանի թերակղզի ձգվող առափնյա ճեմուղու կառուցման աշխատանքները գործնական փուլ են մտել։ Նախագծող ընկերությունն արդեն հայտնի է։ Մրցույթի ընթացքում ընտրված «Արխիտոն» նախագծային ընկերությունն արդեն սկսել է նախագծման աշխատանքները։ Ինչպես դեռ 2018ին էին նշել, նախատեսվում է պատմության և մշակույթի անշարժ հուշարձանների պահպանման գոտիներն առանձնացնել հատուկ նշաններով, ցուցանակներ տեղադրել, զբոսաշրջության ժամանակակից պահանջներին համապատասխան հանգիստ կազմակերպել, կառուցել ու հիմնանորոգել դեպի հուշարձաններ տանող ճանապարհները:

Ավելի վաղ ՀՀ շրջակա միջավայրի նախարարությունը հայատարարություն էր տարածել, որ նախատեսվում  է ապամոնտաժել Սևանա լճին հարակից տարացքներում  մինչև 1901․5 մետր բարձրության վրա գտնվող կառույցները։

 Հուսանք այս փոփոխություններից հետո հանգիստը Սևանում ավելի հարմարավետ ու գրավիչ կլինի զբոսաշրջիկների համար, և մարդիկ, առանց պարիսպների ու պատերի վրայով թռվռալու, կարող են զբոսնել Սևանի շուրջ։

ՀԳ․ Նկարում երևում է, թե ժամանակին ինչ ազատ և ընդարձակ են եղել լողափերը։ Հուսանք նորից կունենանք ազատ ափերում զբոսնելու հնարավորություն․․․