Սևանի «Ռակետաները»

Անվիճելի փաստ է, որ Խոհրդային Միության վերջին տարիներին Սևանի առափնյա հատվածում մատուցվող ծառայություններն ավելի բարձր մակարդակի էին, քան հիմա: Սևանն իսկապես համարվում էր Խորհրդային Միության կարևոր հանգստավայրերից մեկը։ Հայաստան մտնող ցանկացած զբոսշրջիկ պետք է այցելեր Սևանա թերակղզի։ Իսկ թերակղզի գալ ու չզբոսնել Ռակետա նավով գրեթե անհնար էր․․․ Նավերը երկուսն էին։ Նավավարները միշտ կոկիկ հարդարված նավավարի համազգեստով էին, ոչ թե հողաթափ-շապիկներով։ Նավամատույցն էլ չեք համեմատի այժմյան կիսաքանդ նավամատույցի հետ։ Ցավոք այժմ այդ նավերը վերածվել են անշարժ ռեստորանների և էլ չեն ճեղքում Սևանի ալիքները։ Մեկը գտնվում է դեպի Գավառ ճանապարհին, մյուսը՝ դեպի Շորժա ճանապարհին։